Ким эрэ күлэр уонна үөрэр түгэнигэр Ким эрэ үрдүгэр өрүүтүн түүннэри ардах түһэр Эн дьолун бэйэн илиигэр, итэҕэй эн инникигэр Эйиигиннээҕэр миэхэ күндү ким да суох күн сиригэр Бу барыта тиийэн кэлиэ, бэйэтин түмүгэр Ол эрэн эн эрэ түннүккэр ойууланар эбиттэр... Сулустар. Кинилэр кимнээҕэр да кэрэлэр Итэҕэл уонна таптал мин сүрэхпэр баар эбиттэр Сороҕор солуута суох сонун буолан иһиллэр Ол эрэн мин иэйиим иитиллэр эн итэҕэлгэр Көрсүспүппүт эн биһикки эдэр саас күһүнүгэр Оо, айылҕам ол түгэни саатар үтүгүннэр Күн тэҥэ киһибэр, махтанабын ситиспиппэр Эн кэтэспиккэр, онтон сурэхтэр этиспэттэр Ол оннугар кинилэр, эрэл тылын сипсийэллэр Мин тугу этэ сатырбын, сэгэриэм сэрэйэр Ким билэр баҕар бу сиргэ, биитэр байҕал иэнигэр Эн биһикки тэҥ эппиэттэр кистэммиттэр Ол эрэн барыта баар буолуо, бэйэтин кэмигэр Эн итэҕэй, эрэн... Кэргэнҥэр