Мин олохпун көрөбүн атын киһи хараҕынан, Быстах ардаҕынан сүтүөм самыыр аастаҕына. Мин чугас дьонум олоҕум суолугар суолтата суохтар, Арай туймаардар эн уһун суһуохтарын. Ол аата туохпун биэрэн туран уҥуор туоруубун Далаһам алыһын намыһаан эрэр, быһаан, Мин эмиэ баҕарабын ардаҕы кытары уостуохпун, Миигин көрдөөмөҥ, мин ханна да суохпун Күүспүн-уохпун олохпун тохтоппот туһугар бараатым, Ол кэннэ саатар эрэ аатырдын мин аатым. Ханнаный мин көстүбэт, кистэммит дьолум? Чопчу ыйан биэриҥ, ол кэннэ сиэрин. Оҥуоха диэри сир ийэм ыйан кулууй Мин дойдубун, көмөлөс миэхэ, Барсыый эн далаһа устун, Уҥуор, атын кытылга. Манна куттал, баттал, олох кылгас, сымыйа, Аал алгыс, атын таптал, барыта таах сөбө Антах арыый да атын, Сатаан санаабаппын олох ордук хартыынатын, Турдун маннык барыта, кытылтан биир кытылга. Олох кылгас, оннооҕор уон сэттэ сылга, Барытын эн кубулуттун быылга. Миигиттэн кэлэйэн тэйэн эрэллэр, Охтуом суоҕа, санаам сатаммат суолугар Самныам суоҕа. Миигин сөп суолбуттан өлүү тохтотуоҕа, Баар эрэ буоллун ыллыыр ырыам уостубат уоҕа. Охтуом суоҕа, самныам суоҕа, тохтотуоҕа, Баар эрэ буоллун ыллыыр ырыам уостубат уоҕа. Далаһа устун уҥуор туоруур суол бу баар эбит, Дьылҕам ыйан биир ый буолан хаһан эмит. Хаһан эмит тиксиэм ол кытылга, тутуом тылбын, Суох буоллун мин суолбар суорар албын. Талба талааммын талбыт-айбыт айыым бырастыы, Сатаан таптаабаппын сүрэхпинэн аҥардастыы, Элбэх алҕас быһыым мин сиэрим, мин сыыстарыым. Сатаан мин сиппэтим эккирэппит алҕастарбын. Тиийиэм дуо? Өйдүөм дуо? Ама умнуом дуо? Хаалларбыт Хампа кытылбын ардах сотуо. Кини эмискэ уостуо суоҕа, өрөһүйэ сатыа Күнтэн күн аастаҕыҥ аайы төттөрү ыксатыа. Барсыам суоҕа, сүрэҕим билэр тоҕотун, Эһиги билбэккит хайдах курдук ыараханын Соҕотоҕун хаалар, хаарыйар санаалар, Күһүн кэннэ хаар, ким тапталын атаарар. Оттукам баранар, ханна аны күрэниэй? Арай аттыбар хаалла хаарыан күөрэгэй, Үөрүү үксүүр, чуумпу дьол кэс тылын эттэ, Бүтэһик буолбатах ини, мин бу уон сэттэ... Итэҕэйимэҥ миэхэ, эрэнимэҥ, Мин оннук киһи буолбатахпын, Эн мин харахпын саптын, Аны иҥнин диэки кимниин хардыылыыбын? Кимниин олохпун мин салгыыбын? "Таптыыбын" диигин даҕаны... Миигиттэн кэлэйэн тэйэн эрэллэр, Охтуом суоҕа, санаам сатаммат суолугар Самныам суоҕа. Миигин сөп суолбуттан өлүү тохтотуоҕа, Баар эрэ буоллун ыллыыр ырыам уостубат уоҕа. Охтуом суоҕа, самныам суоҕа, тохтотуоҕа, Баар эрэ буоллун ыллыыр ырыам уостубат уоҕа. Миигиттэн кэлэйэн тэйэллэригэр үөрэнним, Бэйэм эрэнэр дьонум ахсааннара аны аччаата. Бачча элбэх тылы этэн баран Сатаан санаабын эппэтим, Ол аата мин тылым сымсата суох эбит. Биир эмит киһи миигин өйдөөн илиитин уунуо дуо? Ыарахан түгэннэ миигин кытта тэҥнэ-этэҥҥэ Олох устун бииргэ, биир киһи кэриэтэ? Саарбах