Мин тиийиэм төрөөбүт алааспар, Күүлэйдиэм кытылым устун. Оччоҕо билиэ сүрэҕим төрөөбүт дойдутун. Оччоҕо мин айыам өссө ким да айа илик ырыатын, Оччоҕо мин иккистээн тиллиэм. Эн иһиллиэн мин ырыабар, эн көстүөн мин дьүһүммэр, Мин маарынныам эн күһүҥҥэр. Үрүскэннээх кыргыһыыга эбэтэр быстыбат ырыаҕа Хаарыан Хампа күөх кытыл буолан көстүөҕүн эн миэхэ. Күһүҥҥү тыал сипсииригэр эбэтэр эдэр кыыс мичээригэр Мин билиэҕим дойдубун Мин иһиллиэм ол тыал ырыатын, Мин кэтэһиэм бүтэһик тылгын, Оччоҕо сэрэйиэ сүрэҕим эн миигин таптыыргын. Оччоҕо бу аан дойду итэҕэйиэ миэхэ, сырдыа хараҥа Оччоҕо тыллыа дойдум хатыҥ чараҥа Эн иһиллиэн мин ырыабар, эн көстүөн мин дьүһүммэр, Мин маарынныам эн күһүҥҥэр. Үрүскэннээх кыргыһыыга эбэтэр быстыбат ырыаҕа Хаарыан Хампа күөх кытыл буолан көстүөҕүн эн миэхэ. Күһүҥҥү тыал сипсииригэр эбэтэр эдэр кыыс мичээригэр Мин билиэҕим дойдубун, мин билиэҕим дойдубун...