Билэбин эн миигин кытары өрүү бааргын Аны мин эйигин тэйиппэппин-атаарбаппын Сүрэхпэр илдьэ сылдьыам - кыымы Харыстаа миигин, мин эйигин таптыыбын Билэбин тыл этилиннэ да ол эрэн Сэгэрбэр этэбин тапталбын сэрэнэн Барыта эн тускар үрүн күн сулустар Тулам тубуста тэйдим тулуста Ол сылаас саастан көмүс күһүннэ диэри Кэлбитим күндү киһибэр дьиктини кэпсээри Үөрдэ сырыттарбын астыныам этэ "Аттыбар суоҕун диэмэ" - оннук диэм этэ Кэмсинимэ аны мантан ыла сибэккибит Кэрэтик тыллар эн биһикки иккиэбит Бу дойдуга кэлбитим эйигин таптаары, Эйигин булаары... Киэркэй мин тулам барыта сүрэхпэр Сылааһынан туолар кэскиллэ бэлэхтээ Олоҕум миэнэ устар уу, уһун суол Ол суол тухары эн эрэ аттыбар буол Араас күүтэр ол көстүбэт аартыкка Эн өйөбүл буол атыны санаабакка Олохпут биһиэнэ оҥкула суох буоллун Саныыр санаабыт сырдык сардаҥа суола Эн уонна мин бу сиргэ иккиэн Урут өйдөөбүтүм эн мин аналым эбиккин Олоҕу тупсарар сэмэй дьол кыыма Мин сүрэҕим эн тапталгынан тыынар Бу дойдуга кэлбитим эйигин булаары, Эйигин таптаары... Мин хомойор-хоргутар түгэннэрбэр Эн эрэ тапталын өйөбүл буолар доҕоруом Эн сонньуйар-санаарҕыыр кэмнэргэр Аттыгар сэгэриэм мин өрүүтүн баар буолуом Мин эйигин кытары доҕоруом өрүү баарбын Күһүн көмүс сэбирдэхпин, кыһын кыраһа хаарбын Санаабар эн баарын урукку олохпор Эн күн курдук күлүмүрдүүгүн Мин эйигинэ суох бу сиргэ олоруом этэ дуо, Кими эбитэ таптыам этэ дуо? Мин хомойор-хоргутар түгэннэрбэр Эн эрэ тапталын өйөбүл буолар доҕоруом Эн сонньуйар-санаарҕыыр кэмнэргэр Аттыгар сэгэриэм мин өрүүтүн баар буолуом