Түүн, бүгүн олус сөрүүн Ол эрэн эн сылааһын баар миэхэ өрүүтүн Күндүтүн бу күһүҥҥү халлаан Сандааран ыйдаҥа устар Сүүһүнэн эриэккэс сулустар Оонньууллар биһиэхэ мичээрдии Истиий, үҥкүү-битии Ыҥыртыыр ди, м-м, биһигини Түүҥҥү уулусса уота оргууй тыгар Ардыгар, эн аттыгар Таптал ырыатын тыал сипсийэн ыллыыр Барбах ибиирэн таммалыыр быстах ардах Түһүлгэ кураанах эбит Билигин биһиги иккиэбит Бу түүн олуһун кэрэ Бүгүн, эйигинниин эрэ Көрдөһөбун сүтүмэ эн аптаах кэрэ түүн Күөрэйимэ саҕахтан аламай сырдык күн Өссө үҥкүүлүөм кыратык дуу Кэрэчээн сэгэрбин кытта бу Бүгүҥҥү сулустаах күһүҥҥү дьикти түүн Түүлбэр эрэ көстөр этэ бу түүн Илэ бэйэтэ кэллэ быйыл күһүн Билигин саныахха дьиктитин Маннык күндү көмүс киһибин билбэккэ эрэ мин Туохха мин эрэнэн тугу кэтэһэн Олорбуппун билбэппин Бу сиргэ бииргэ, сэгэриэм, ханна да тиий, кэтэһиэм Эн тускар барытын уйунуом Умнуом, сүрэхпин эйиэхэ уунуом Мин дьолум мин соҕотох сулуһум Таптыыбын эйигин мин олуһун Эн миэхэ илиигин уунууй Эн миигин күүскэ кууһууй Алыптаах түүн, олох тухары устууй Салҕана турууй, өрүү баар буолууй Көрдөһөбун сүтүмэ эн аптаах кэрэ түүн Күөрэйимэ саҕахтан аламай сырдык күн Өссө үҥкүүлүөм кыратык дуу Кэрэчээн сэгэрбин кытта бу Бүгүҥҥү сулустаах күһүҥҥү дьикти түүн Олох бүтэр тиһэх күнүгэр Сипсийиэм этэ сүрэхпэр Аптаах түүн эргиллиҥ Тиийэн кэлиий кинилиин Көрдөһөбун сүтүмэ эн аптаах кэрэ түүн Күөрэйимэ саҕахтан аламай сырдык күн Өссө үҥкүүлүөм кыратык дуу Кэрэчээн сэгэрбин кытта бу Бүгүҥҥү сулустаах күһүҥҥү дьикти түүн