Дойдубуттан сэбирдэх буоламмын Тэлэһийэ көттүм-көттүм, Чэбдик тыаллыын көччүйэ күөрэйдим Элбэх сири көрөөрү-билээри, Дьол амтана сүмэһин утаҕа Өйбүн-санаабын барбах ытыйда, Төлө барбыт эмискэ тыллартан Арыллабын... Арыллабын эйиэхэ доҕорбор, арыллабын Дьэҥкир дьолбун тоҕуон, суоҕа диэммин эрэнэбин Арыллабын эйиэхэ доҕоруом, арыллабын Сырдык санаа уйатын оностон дьоллонобун. Кэрэмэн да килбик көстүүнү Киэргэтэҕин симээн-алҕаан, Миинэн кэлбит "Бороҥ" ат үрдүттэн Дьоһуннаахтык кэлэннин көрсүстүн! Дьол амтана сүмэһин утаҕа Өйбүн-санаабын барбах ытыйда, Төлө барбыт эмискэ тыллартан Арыллабын...