Түүлбэр мин ыркыйы быыhынан Айанныы сатыыбын, Быыкайкаан титирик мастартан Иҥнэммин тохтуубун. Хос ырыата: Өскөтүн кынаттаах буолларбын, Күөрэйэн тахсаммын, Нэлэмэн кырдалы түргэнник Булуом дии саныыбын. Түүлбэр мин үрдүк таас хайаны Дабайа сатыыбын, Үөhэттэн таммалыыр таастартан Иҥнэммин тохтуубун. Хос ырыата: Өскөтүн кынаттаах буолларбын, Күөрэйэн тахсаммын, Бу очуос чыпчаалын буламмын Үөрүөм дии саныыбын. Түүлбэр мин киэн байҕал үөhүгэр Соҕотох хаалбыппын, Баар сэниэм барыта баранан Ыксалга киирбиппин. Хос ырыата:(иккитэ) Өскөтүн кынаттаах буолларбын, Күөрэйэн тахсаммын, Баҕалаах хампа күөх кытылбар Тиийиэм дии саныыбын. Күнтэн - күн көрөбун бу түүлүм Оруннаах эбитин - Талаhар кирбиибин булуохпун, Кыах тиийбэт эрэйин. Хос ырыата:(иккитэ) Өскөтүн кынаттаах буолларбын, Үрдүккэ күөрэйэн тахсаммын, Буомурбут бу чуумпу олохпун Сөргүтүөх эбиппин.