Эмискэ эйээрбит ырыаҕар Эн хаарга сардаана үүннэрдиҥ, Санньыйа ыанньыйбыт санаабар Сайыҥҥы кустугу түһэрдиҥ. Доҕоруом, эн үөртүҥ, ытаттыҥ, Дууһабын ырыанан аймаатыҥ. Кыс хаарга күөрэгэй ырыата Күөх дуолга ыҥыра угуйда, Хатыҥнаах алааһым саҕата Харахпар бу баардыы наскыйда. Доҕоруом, эн үөртүҥ, ытаттыҥ, Дууһабын ырыанан аймаатыҥ. Санаабар эрдинэн эрэбин Сүүрүктээх үрэҕи өксөйөн, Күн киирэр, күн тахсар кэрэтин Көрсүөҕүм эйигин көтөҕөн. Доҕоруом, эн үөртүҥ, ытаттыҥ, Дууһабын ырыанан аймаатыҥ.