Эйиэхэ маарынныыр кыысчааны көрөн дуу, Эбэтэр дойдубун ахтыбыт санааттан, Эбэтэр мунчаарыы бутуйар муҥуттан Эйигин көрүөхпүн олустук баҕардым. Хайдахтаах да өрүс кытылын булларгын, Хайдахтаах да ойуур сиһигэр састаргын Эйигин буламмын этиэхпин баҕардым Бу төрөөт өлбөтөх мин тыыннаах тылларбын. Хос ырыата: Сыл-хонук түргэнник аастаҕыҥ аайытын Сааһырыы боруогар чугаһаан иһиэҕим, Онтон эн, онтон эн - мин ырыам чыычааҕа, Куруутун эдэркээн кыысчаанна маарынныан. Баламат санааҕа ылларан буомнаата Тосхойбут бу дьолбун куоттарыам дуо диэммин Дьон сиитин-сэмэтин барытын умнаммын Эйиэхэ барыам дуу? Олустук баҕардым.