Хомойобун баҕа санаам туолбатыттан, Үгүс алҕас быhыыбыттан, Истиҥтэн-истиҥ доҕотторум албын-көлдьүн Уонна сымыйа тылларыттан. Хомойобун тоҕо эрэ таайбаппыттан, Тугу эрэ билбэппиттэн, Ыйытыыбар олус судургу, Ханнык эмит эппиэт тыллары булбаппыттан. Хос ырыата: Хомойобун түүҥҥү кылгас мин быстах санаам Умуллубат күөх сулус буолан тыкпатыттан, Дойдубун үөhэттэн сырдата турбатыттан. Баҕарабын дьиэбин-уоппун, айылҕабын, Чугас дьоммун мин таптыахпын, Алыптаах кэрэ тылларынан Тыымпы күөлүм, Дойдум туhунан мин ыллыахпын. Баҕарабын күн сиригэр дьоллоох буолуҥ Диэн эhиэхэ мин этиэхпин, Сырдык күн мэлдьи аргыстастын, Ыарыы-сүтүү киэр тумнан аастын диэн алгыахпын. Хос ырыата: Баҕарабын бу сиртэн сүтэн да бараммын, Эhиэхэ мин ыллыы сылдьыахпын, Баҕарабын дойдубун үөhэттэн сырдата туруохпун.