Бу Тойон Мүрүттэн, Кыыс Хаҥа сириттэн Ситэри силгэлээх, эстибэт эрчимнээх, Ох саалаах улуута, Байанай баартааҕа, Аар саарга аатырбыт күөн күрэс күүстээҕэ. Хос ырыата Уол оҕо чулуута, эр бэрдин эрэлэ - Бэрт Хара, Бэрт Хара - сүрэхпэр Үйэттэн үйэҕэ эн аатыҥ ааттаныа, Урааҥхай саханы саргылыа. Боотурдуун буулаһар дуулаҕа кэппэтэх, Кылааннаах батыһа кыргыһы билбэтэх, Өлөрсөр өһүөнү өтөрү көрдөрбөт Күөн күрэс күрэҕэр өһүлэр үгэстээх. Сонордьут сорсунуҥ, балыксыт бастыҥын, Быыраттар быһыйы, күлүмэх күүстээҕи Тургутар күрэххэ, уйгулаах ыһыахха Бүгүн ол чыпчаалга угуйар сулускун. Хос ырыата Уол оҕо чулуута, эр бэрдин эрэлэ - Бэрт Хара, Бэрт Хара - сүрэхпэр Үйэттэн үйэҕэ эн аатыҥ ааттаныа, Урааҥхай саханы саргылыа. Үс саха үөскээбит Сахабыт кыраайа, Сүүс омук түөлбэлээх олорор дойдута Күүрээннээх үлэнэн барҕара сайыҥҥын, Эн аатыҥ эйэлээх олоххо түстээтин. Хос ырыата Уол оҕо чулуута, эр бэрдин эрэлэ - Бэрт Хара, Бэрт Хара - сүрэхпэр Үйэттэн үйэҕэ эн аатыҥ ааттаныа, Урааҥхай саханы саргылыа.