Арай куотан, тыыннаах хаалан Төрөөбүт тыабар, дойдубар… Хайдах эрэ бэркэ саһан, Тыыммын уһаппыт дии санаан Тоҥуу хаары ытыйаннар, Сэниэлэрэ дэлби эстэн… Тимир көлөлөөх саалаахтан, Куотан иһэллэр бөрөлөр… Тимир көлө, тохтуу түһэн, сааларын бэлэмнииллэр Сыра-халты ытыалаан кыраннан таба сыһан… Салгыны хайытан көтөн, буулдьа маска хатанар Ону кытта үөхсэннэр, мөҕүттэр саҥа иһиллэр. Тиит кэннигэр былдьаһаннар Туора ойон ыстаҥалаан, Сытыы буулдьаттан куоппакка, Курдат таптаран эһиллэн, Улуйбакка ыйылааннар Умса түһэллэр бөрөлөр Тула хаар барыта кытаран Эмискэ чуумпура түһэр. Маҕан хаарга кыһыл хаан, ыраахтан кытаран көстөр, Бары бииргэ сэргэстэһэн сыталлар бөрөлөр хаарга, Тимир көлө ситэн кэлэн, салах дьоннор хоппуту, Бөрөлөрү быалааннар, состорон илдьэ бараллар.