Мин элбэх дьон хараҕар охсуһууну көрбүтүм Мин бэйэм тулалыыр эйгэбин мин бэйэм өрбүтүм Бүгүн тыынар тыыным туһугар элбэхтэ сүүрбүтүм Бүгүн хонор сирим баарыттан элбэхтэ үөрбүтүм Элбэхтэ дьылҕабыттан кураанах бэлэх туппутум Ол эрэн элбэхтэ барытын мин бэйэм булбутум Элбэхтэ билбэт ыллыкпынан мин хаама турбутум Элбэхтэ олох ойууругар диринник муммутум Элбэхтэ элбэххэ эрэммитим сэрэҕэ суох сэрэммитим Элбэхтэ сүүрэн киирбитим элбэхтэ булан биэрбитим Харчы хантан кэлэрин мин эрдэ билбитим Хара оҕо хара үлэҕэ иитиллибитим Элбэхтэ мөҕүллүбүтүм ийэбиттэн... Махтал буоллун эйиэхэ уонна аҕабар миигиттэн Элбэхтэ сылаас ылаары күн тахсарын күүппүтүм Элбэхтэ мин хоппутум хара санааны үүрбүтүм Айдаарымаҥ айманымаҥ барыта баар буолуо умнумаҥ Айдаарымаҥ айманымаҥ барыта кэрэ буолуо толлумаҥ Хаһан да быстах санааҕа баһыйтарыма Тостума ыттыма быстыма ыйаныма Хаһан да бэринимэ эрэлгин сүтэримэ Төбөҕүн араарыма толкуйдаа түбэһимэ Хаһан да хаһан да буолуо суоҕа дии санаама эн Барыта кэлэр кэмнээх бэйэҕэр эрэ эрэн Туохтан да куттаныма туохтан да кэмсинимэ Бэйэн аатын кэннэ омуккун эн туһэн биэримэ Быаҕын эрдэ сүөрүмэ дьон соруттан үөрүмэ Дьон дьолуттан үөҕүмэ сиэри туому кэһимэ Хомойор диэни билимэ күүстээх буоллун санаан Ыксаллаах түгэҥҥэ сыыспат буола сатаа Дьоҥҥун сэргэҕин санаа ийэҕин аҕаҕын таптаа Доҕотторгун сыаналаа бэйэҕин убаастаа Сүрэххин аналгар анаа хардыыларгын манаа Туһаны туһаҕа бараа тур уонна хардыылаа Айдаарымаҥ айманымаҥ барыта баар буолуо умнумаҥ Айдаарымаҥ айманымаҥ барыта кэрэ буолуо толлумаҥ