Олоххо элбэх суол Кэм-кэрдии сүүрүгэр Алтыһар, хардарсар, Булсуһар, сүтэрсэр. Абылыыр, арахпат Ким эрэ мичээрэ Ааспыттан хаалыаҕа Ким эрэ сүрэҕэр. Дьол тааһын ким көрдүүр булуоҕа, Хайаан да, Көрдөрүө кэм кэрдии, табыллыа Барыта. Дьол тааһа чаҕылхай күлүмэ Сандаархай, Угуйар аартыгын булбукка Арылхай. Саас өрүс ардыгар Алдьатар халааннаах, Дьылҕа хаан обургу Дьыбардаах халлааннаах. Алҕаһы оҥорбут Бэйэтэ буруйдаах, Айыыттан ааттаһан Алыылыыр аналлаах. Дьол тааһын ким көрдүүр булуоҕа, Хайаан да, Көрдөрүө кэм кэрдии, табыллыа Барыта. Дьол тааһа чаҕылхай күлүмэ Сандаархай, Угуйар аартыгын булбукка Арылхай. Алмаас таас киэркэйэн Күн уотун тэйитэр, Күндүтүк күлүмнээн Абылыыр эйгэлээх. Оттон ол дьол тааһын Ким булан эрдэҕэй? Олоҕу туораабыт - Ол эрэ этиэҕэ. Дьол тааһын ким көрдүүр булуоҕа, Хайаан да, Көрдөрүө кэм кэрдии, табыллыа Барыта. Дьол тааһа чаҕылхай күлүмэ Сандаархай, Угуйар аартыгын булбукка Арылхай.