Ыллаа-ыллаа дуу, гитаара, Эдэр саас арыалдьыта. Лыҥкыр тыаскар уйдаран Олоруоҕум чуумпуран Санаабар тиллиэхтэрэ Ааспыт кэм түгэннэрэ, Сэргэлээх киэһэлэрэ, Кыыс иэйиилээх күлүүтэ. Хап-хара суһуохтар, Буспут дьэдьэн уостар, Уп-уһун кыламан, харахтар... Тапталы таайсыһыы, Киэһэтин атаарсыы, Сатала суох симик уураһыы... Сэргэлээххэ бу киэһэ Саҥа ырыа дьиэрэйэр, Эн хоскор оҕо кыысчаан Тапталтан саатара Эн биһи оҕо сааспыт Ыллаан-туойан ааһыаҕа, Харыстаабыт тапталбыт Бу ырыаҕа ылланыа Хап-хара суһуохтар, Буспут дьэдьэн уостар, Уп-уһун кыламан, харахтар... Тапталы таайсыһыы, Киэһэтин атаарсыы, Көрсүөххэ диэритин арахсыы... Ыллаа-ыллаа дуу, гитаарам, Эдэр сааһым аргыһа. Чуумпу хоспор чуҥкуйан Санаабыт аралдьыта Санаабар тиллиэхтэрэ Ааспыт кэм түгэннэрэ, Сэргэлээх киэһэлэрэ, Кыыс иэйиилээх күлүүтэ... Хап-хара суһуохтар, Буспут дьэдьэн уостар, Ханна саһан сүтэн хааллыгыт? Эдэркээн кэмнэри, Уол оҕо тапталын Илдьэ барбыккытын билбэккит...