Мин дьонум сайылыгар хаалбыт хатын Муҥутаан саас аайы ытыыр. Ол тыыннаах таммалыыр харах уутун амтанын билигин да амсайарга дылыбын. Олох устар хатын тула, Арай кини лабаатын таарыйбат. Долгунунан күн-дьыл устар, Арай кини сонотох хонууга. Уруккута бу хатыҥчаан сайылык харайбыт кыыһа Маҥнайгы тапталыттан туораабыт этэ бу суолтан, Ол курдук кини сүрэҕэр умуллубут чүмэчи уота, Умуллубут быыкай төлөн уота. Таммахтар эн ытыскар олох түспэттэр, Маҥнайгытын курдук сүрэх иккистээн тэппэт, Умайа турар чүмэчи умуллубат - ол аата бу туун эмиэ сүрэх уоскуйбат. Чуумпутук таммалыыр ардах кини үрдүгэр, Сэрэнэн, аргыый имэрийэн, Онтон харах уулара сэрэппэт эбиттэр Арахсыы чугаһыыр кэмигэр... Олох устар хатын тула, Арай кини лабаатын таарыйбат, Долгунунан күн-дьыл устар, Арай кини сонотох хонууга. Уруккута бу хатыҥчаан сайылык харайбыт кыыһа, Маҥнайгы тапталыттан туораабыт этэ бу суолтан. Сулустардаах халлаантан билигин көрдүүр ардаҕы, Ол ардахха буруйун суунаары... Таммахтар эн ытыскар олох түспэттэр, Маҥнайгытын курдук сүрэх иккистээн тэппэт, Умайа турар чүмэчи умуллубат - Ол аата бу туун эмиэ сүрэх уоскуйбат. Таммахтар эн ытыскар олох түспэттэр, Маҥнайгытын курдук сүрэх иккистээн тэппэт, Умайа турар чүмэчи умуллубат - Ол аата бу туун эмиэ сүрэх уоскуйбат...