Ходуһабыт муҥунан хойуу оту мустаран, Субу бэрдин таһааран масынаалан барарын, Таптыы көрөн үөрэбин Татыйаана сэгэрбин, Таптыы көрөн үөрэбин Татыйаана сэгэрбин. Сарсыардаттан ылата сарыал сүтүөр диэритин, Сэмэй нарын бэйэтэ сылайары билбэтин, Таптыы көрөн соҕобун Татыйаана сэгэрбин, Таптыы көрөн соҕобун Татыйаана сэгэрбин. Сөрүн түһэн чумпуга ыраас чэгиэн салгынна, Сыһы иһин толорон ыллыы туойа сылдьарын, Татыйыкка холуубун Татыйаана сэгэрбин, Татыйыкка холуубун Татыйаана сэгэрбин. Үлэ бүтэн үөл хатын лабаатынан күөгэйэн, Харыс солко былаатын маанан миэхэ кэлэрин, Таптаан үөрэ көрсөбүн Татыйаана сэгэрбин, Таптаан үөрэ көрсөбүн Татыйаана сэгэрбин.