Сиккиэр тыалга сипсийэбин, Ээр-сэмээр мин сураһабын: "Күүтэр күндү киһибин Көрдүҥ дуо?"- диэн ыйытабын. Сиккиэр тыалым сипсийээхтиир, Бэйэбиттэн ыйытаахтыыр: "Элбэх сири кэрийбитим, Эн киһигин көрбөтөтөҕүм." Үрүҥ былыт барахсантан Эмиэ сэмээр сураһабын: "Күүтэр күндү киһибин Көрдүҥ дуо?"- диэн ыйытабын. Үрүҥ былыт устаахтыыр, Бэйэбиттэн ыйытаахтыыр: "Киэҥ халлааҥҥа көччүйбүтүм, Эн киһигин көрбөтөтөҕүм." Түргэн сүүрүк үрэхтэн Ээр-сэмээр мин сураһабын: "Күүтэр күндү киһибин Көрдүҥ дуо?"- диэн ыйытабын. Долгун үрэх сүүрэхтиир, Бэйэбиттэн ыйытаахтыыр: "Уһун сири устубутум, Эн киһигин көрбөтөтөҕүм." Ханна, ханна бааргыный? Ханна, ханна сылдьаҕыный? Үрдүк дьолу аҕалаҥҥын Киирэн кэлиий эмискэччи. Ол эрээри эрэнэбин, Ээр-сэмээр мин кэтэһэбин. Уоттаах таптал кынаттанан Киирэн кэлиий, күндү киһим. Кэтэспиппин кэмсиммэтим - Ахтылҕаммын ханнараҥҥын Киирэн кэллиҥ эмискэччи, Үрдүк дьолу аҕалаҥҥын! Киирэн кэллиҥ эмискэччи, Үрдүк дьолу аҕалаҥҥын! Үрдүк дьолу аҕалаҥҥын!