Килэмэн халлаан анныгар Күн сирин көрөн кэлбиппит, Аан ийэ дойду иэнигэр Айыллан сылдьар эбиппит. Үөскээн-төрөөн кэлбиччэ Үөрүөххэ-көтүөххэ! Үрүҥ күммүт анныгар Үүнүөххэ, үрдүөххэ! Үөскээн-төрөөн кэлбиччэ Үөрүөххэ-көтүөххэ! Үрүҥ күммүт анныгар Үүнүөххэ, үрдүөххэ! Үтүө дьоннор буоламмыт Үөскүөххэ, үксүөххэ, Үллэр-баллар һайдыыны, Үтүмэнник түстүөххэ! Үөскээн-төрөөн кэлбиччэ Үөрүөххэ-көтүөххэ! Үрүҥ күммүт анныгар Үүнүөххэ, үрдүөххэ! Үөскээн-төрөөн кэлбиччэ Үөрүөххэ-көтүөххэ! Үрүҥ күммүт анныгар Үүнүөххэ, үрдүөххэ! Кэлэ түһэн барарга, Күнү көрөн ааһарга, Кэмсиммэттии соҕус диэ, Кэлэммэттии курдук дуу? Үөскээн-төрөөн кэлбиччэ Үөрүөххэ-көтүөххэ! Үрүҥ күммүт анныгар Үүнүөххэ, үрдүөххэ! Үөскээн-төрөөн кэлбиччэ Үөрүөххэ-көтүөххэ! Үрүҥ күммүт анныгар Үүнүөххэ, үрдүөххэ! Дууһаларбыт оонньуутун Дуораһыта долгутан, Тыллар өттүн тутуһан, Тыыны-быары кэҥэтэн Тиллэн чөлгө түһүөххэ!