Күн көмүс утаҕын батыһа Ый сарыал сырдыгар талаһар, Хараҥа халлааны хаһыйа Сарсыарда сырдыырын манаһар. Күлүктэн тэйиччи күрээри, Кураххай олохтон куотаары, Күнүскү халлааҥҥа күөрэччи Сандаара, кытыаста кыыһаары. Умайбыт кутааҕа Туолбут ый сууланар Сүрэхтэр холбоhон ууллаллар, Кылгас да түгэҥҥэ таптал төлөнүгэр Куустаран ылаллар. Суугунуур сулуһун ардаҕар Суураллан суһумнуу сандаарар, Кырылас көмүстүү кыырпаҕар Кытыаста үрүҥ күн умайар. Сырдыктан тэйиччи күрээри, Кураххай олохтон куотаары, Түүҥҥү халлааҥҥа күөрэччи Сандаара, кытыаста кыыһаары.