Бу ырыа кэллэ Кыраман ыраахтан Умнууга хаалбыт кыраайтан Онно мин төннөр Кыаҕа суохпуттан Муҥатыйан сүрэҕим хараастар. Хос ырыата: Нарын да ырыа, Оҕо сааһым ырыата Истэрим кыра сылдьаммын Балтым биһигин Хамната, хамната Истиҥник ийэм ыллыырын. Миэхэ да анаан Ыллаабыт буолуохтаах Мин туос биһигим үрдүгэр Сырдык түүл буолан Сылаанньыта арчылаан Иҥмитэ буолуохтаах ол сүрбэр. Хос ырыата: Нарын да ырыа, Оҕо сааһым ырыата Истэрим кыра сылдьаммын Балтым биһигин Хамната, хамната Истиҥник ийэм ыллыырын. Бүгүн мин оҕом Инники дьылҕатын Кэскиллээн ыммыылыы алҕааммын Эргиллибэт ыраахтан Кэлэр ол ырыабын Дорҕооно суох иэйэн ыллыыбын. Хос ырыата: Нарын да ырыа, Оҕо сааһым ырыата Истэрим кыра сылдьаммын Балтым биһигин Хамната, хамната Истиҥник ийэм ыллыырын.