Сылаас сааскы сарсыарда Уһуктаммын сытабын, Сырдык күнүм сардаҥата Мин харахпар тыгар. Санааҥ кэллим эйигин Саамай күндү киһибин. Мин ахтаммын ыллыыбын Бу кэрэ ырыабын. Хос ырыата: Харахтарбын симтэрбин Эн мөссүөҥҥүн көрөбүн, Сырдык кэрэ мичээргин, Эн хара харахтаргын. Эн хаһан кэлэннин Илиибиттэн сиэтэҥҥин, Оргууй кууһан ылаҥҥын, Уоспуттан эн ууруугун? Чуопчаарыйар чыычааҕым Күнүм-ыйым буолаҕын Эн миэхэ, доҕоруом, Олус да күндүгүн. Таптыыбын мин эйигин Сылаас, нарын иэйиинэн Мин олоҕум аргыһа Эн эрэ буолаҕын.