Бэгэтэн-сэгэтэн мин тиийиэм Ахтар алааһым чараҥар, Алгыстаах тылынан мин ийэм Сайыһа хаалбыт аартыгар. Хос ырыата: Саҥата суох нөрүөн-нөргүйүөм Мин үтүө аймах дьоннорбор, Саҥата суох этиэм долгуйа: Дорообо, дойдум, дорообо. Ол кэннэ үчүгэй үөрүүнэн Чуҥнуу көрүнүөм туллабын, Кырдалым алтан от мичилин Тумул чуоҕуспут чараҥын. Тумулга тахсыам мин киэһэтин Оҕо саас омоон суолунан, Кэрэхсиэм кэҕэм чуор кэпсэлин Харатыам дьоллоох суугунун.