Кэрэ түүл көһүннэ, кынаттаан көтүттэ, Нарын кыыс мичээрэ сүрэхпин долгутта, Кимҥиний диэбиттии өрө көрөн турбута, Тапталыҥ этэ дии имнэнэн ылбыта. Хос ырыата: Оо, таптал эн кэрэҕин, Ырыа буолан көтөҕүн, Оо, таптал эн дьиктигин, Миэхэ түүлбэр киирэҕин. Кыысчааным сүтүмэ, түүлбүттэн барыма, Эйэҕэс мичээргин эн кистии сатаама, Минньигэс уостаргын саһыара туттума, Туналҕан быыһынан күрэнэн куотума. Кэрэ түүн, үрүҥ түүн кэриэтэ Кылгастык да көстөн ааһаҕын, Муҥур быа түмүгүн кэриэтэ Салҕана турбаккын, быстаҕын. Мин түүлүм көстүбэт кынатын Бу илэ олохпор суохтуубун, Ол аата сүрэхпин барытын Эйиэхэ туттарбыт эбиппин.