Көрөн-истэн чөрбөҥнөтөр Кулгаахтара чөрөҥнөөтө, Кырыс сиртэн тирэхтэннэ, Тураҥ буортан иһэхтэннэ. Кулунчук уу-чукучук, Сүүрэр-көтөр кулунчук, Кулунчук уу-чукучук, Толуу-мааны доҕоччуок! Мээчиктэнэ тэйиэлээтэ, Көөчүктэнэ көтүөлээтэ, Куудара сиэлэ долгуннурда, Дьоҕус кутуруга тойтоһуйда. Кулунчук уу-чукучук, Сүүрэр-көтөр кулунчук, Кулунчук уу-чукучук, Толуу-мааны доҕоччуок! Кырдал сиргэ таралыйда, Уҥа-хаҥас күөлэһийдэ, Алаас отуттан торолуйда, Үрэх уутуттан төлөһүйдэ. Кулунчук уу-чукучук, Сүүрэр-көтөр кулунчук, Кулунчук уу-чукучук, Толуу-мааны доҕоччуок! Сайын бүтэн көлүлүннэ Буута ситэн күрүөлэннэ, Саха дьонун баайа буолан Мааныланна, маҥанна. Кулунчук уу-чукучук, Сүүрэр-көтөр кулунчук, Кулунчук уу-чукучук, Толуу-мааны доҕоччуок!