Атыҥҥа барбыккын билэбин, Сүрэххин киниэхэ биэрбиккин Уонна эн миэхэҕэ тоҕо да Бу эрэл кыымнарын хааллардыҥ. Чүмэчим умуллуох буолталыыр, Сүрэҕим буобута туппахтыыр. Тиһэх кыым умуллан хаалыма, Тулабар халыйыа хараҥа. Ол аата эн биһи ыллыкпыт Ымыыта чуопчаара ыллаабат, Салама ыйаабыт хатыҥмыт Биһиэхэ эйэргии хамсаабат. Арахсыы суолугар үктэнним Хомолто күлүгэр бүрүнэн, Ол эрэн эйигин сэгэрим Сүрэҕим хаһан да умнубат. Атыҥҥа барбыккын билэбин, Чүмэчим умуллан хааллаҕа, Сүрэҕим бобута туппахтыыр Тиһэх кыым умуллан хаалыма.