1. Устар ууга тааһы тамнаатым Күлүк сир булан олордум Эн кэлиэхтээх ыйбыт бириэмэҥ Ааспыт күн саҕахха саспыт Күһүҥҥү тэтим сэбирдэхтэрэ Уу кытылыгар усталлар Тобуктарбын кууһан олордум Албыннаабыккын сэрэйдим Хос ырыата: Сибэккилии иккистээн тыллыбыт тапталбын ардах суурайар Мин ыар санаам тыыммын хаайар Миэнэ буол диэн онньообуккар Ардах түһэр түстэр түстүн Миэхэ билигин синэ биир Төттөрүтүн айылҕам өйүүр Тыала ардаҕа тымныыта уоскутар 2. Ууга түспүт ый уотугар Долгуннар охсон ааһаллар Эн биһикки киэһэ ахсын Устар тыыбытын суохтууллар Мин суохтуубун эн кууһаргын Дууһам кылын таарыйаргын Санныбыттан оргууй даҕайан Тымныы уоскунан ууруургун