Саҥа күнү эйигинниин көрсүөхпүн, Сарсыарда аайы эйигин кууһуохпун, Чугдаарар куоласкын өрүү истиэхпин, Биир түгэн барытын суох оҥордо Доҕорбун эйигин куоттарбыт мин буруйбар, Дьолбун мүччү туттарбыт мин алҕастарбар, Соҕотох тапталбын эйигин хомоппуппар, Бу кэлэн кэмсинэбин, сэгэриэм... Мин билэбин эн атын дьылҕалааххын, Дьоллоох суолу эн атынныын булбуккун, Мин сүрэҕим ол эрэн таайар сэрэйэр Ардыгар ол кэмнэри ахтаргын Махтанабын маҥнайгы мин тапталбар Ыраас сырдык иэйиини эн биэрбиккэр Дьылҕам бэлэҕэ диэн өрүү ааттыаҕым, Ырыабын эйиэхэ мин аныаҕым