Мин бүгүн кынаттаах аппынан Былыкка куйаардан эрэрдии, Хомуһун-кумурҕат аппынан Хоһоонум кутуллан эрэр дии. Таптыыбын бу манна бааллары Бу күөҕү, бу халлаан саҕаҕын, Эҥсиллэр иҥсэлээх бааллары Кирис тыам эн кэрии саҕаҕын. Таптыыбын бу маннык сааһынан Ньургуһун сибэкки тылларын, Бу тойук маннык саас-сааһынан Суккуллар дьиэрэҥкэй тылларын. Аттыбар кыракый көлүйэ Анныбар Лиэнэ биир салаата, Көбүөхтүүр күүстэрин көлүйэ Күөх долгун биэрэги салаата. Көрүлээ, күүгүнээ, чэ, Лиэнэ Эн уоргу, уо дьэ туох, тохтотуой? Киэргэннэ биэрэгим чэл иэнэ Киниэхэ күөх уунан тохтотуой. Таас хайа кылбайар кырыыгын Көй долгун сууйбатах муҥунан, Көбүөхтүүр сүүрүгү кырыыгын Күрбэ таас күөмэйин муҥунан. Эйиэхэ бокулуон уураары Элиэнэ бэккэ да кыһаллар, Эн уоттаах уостаргын уураары Долгуннар таастары кыыһаллар. Мин бүгүн кынаттаах аппынан Былыкка куйаардан эрэрдии, Хомуһун-кумурҕат аппынан Хоһоонум кутуллан эрэр дии...