Эрдэтээҥи харалдьыктыы Эн куйааскын ылынан, Ырыа буолан, таптал буолан Тыллыбытым, тыыммытым... Ол саас этэ дьикти күүрүү Үөйбэтэхтэн көтөҕүллүү, Бу олохтон дьолу сүүйүү Үөрүүтүнэн үлүһүйүү! Тыллыы тырым тыынынан Тыҥыы тыкпыт ол сырдык, Үөрүү үрдүк кустугун Өрүү уунуох курдугуҥ! Сибигинээн кэпсэтэр Сибэккилэр буоланнар Сиппиттэрэ кистэлэҥ Сир симэҕэ киэһэлэр, Кэтэһииттэн киэркэйэр Кэм кэрчигэ буоланнар Кэлбиттэрэ кэбирэх Кэрэчээнэ түгэннэр... Тыллыы тырым тыынынан Тыҥыы тыкпыт ол сырдык, Үөрүү үрдүк кустугун Өрүү уунуох курдугуҥ! Эрдэтээҥи харалдьыктыы Эн куйааскын ылынан, Ырыа буолан, таптал буолан Тыллыбытым, тыыммытым... Ол саҕана киэҥ да халлаан Былыттары билиммэтэ, Ол чаҕылхай сааскы халлаан Мин олоҕум, кэмим этэ! Тыллыы тырым тыынынан Тыҥыы тыкпыт ол сырдык, Үөрүү үрдүк кустугун Өрүү уунуох курдугуҥ!