1. Ыраас, чэбдик сүрэххэр Ырыа буолан тыллаары, Таптаан иэйэр киэһэҕэр Тыыннаах тыллыын барсаары Күнүн, түүнүн олуһун Күүтэр-ахтар ньүргуһун, Кэлиий, күндү доҕорум, Күлүм-чаҕыл сулуһум! х-ы: Ту-ту-ту-ру туллугум, Күнүм-ыйым, көмүһүм, Кэлиий, күндү доҕорум, Күлүм-чаҕыл сулуһум! Ту-ту-ту-ру туллугум, Кэтэһэбин олуһун, Кэлиий, күндү доҕорум! 2. Тыынаргыттан баччаҕа Тыымпым мууһа ууллуоҕа, Хараххыттан саһарҕа Хаттаан тыллан тахсыаҕа. Хааман-сиимэн иһэргин Хайҕаан кутум хамсыаҕа, Күлэр-үөрэр мичилгин Көрөн сүрэх ыллыаҕа. х-ы: Ту-ту-ту-ру туллугум, Күнүм-ыйым, көмүһүм, Кэлиий, күндү доҕорум, Күлүм-чаҕыл сулуһум! Ту-ту-ту-ру туллугум, Кэтэһэбин олуһун, Кэлиий, күндү доҕорум!