Кини күүтэр, кини сэргиир сайыны Сардаана буолан тыллаары Дьэҥкир ардах, ыраас таммах уутунуу Күөх сири чэбдигирдээри. Хос ырыата: Бу дьикти айылҕа бэлэҕэ - айыы оҕото! Көрүҥ-көрүҥ күннүүн күлэ оонньуур күөрэгэйи, Истиҥ дьиэрэйэр ырыатын, Сөҕүҥ-сөҕүҥ сириэдийэ үүммүт сибэккини, Харыстааҥ сэдэх көстүүнү. Кини күүтэр, кини таптыыр күһүнү Сэбирдэх буолан көтөрүү Көмүс тыалы, тыа суугунун хатылаан Ырыа гынан хоһуйаары. Хос ырыата Кини күүтэр кини суохтуур кыһыны, Хаар кэриэтэ иһийээри, Илэ туолар сырдык түүллү абылаан Умсугурда угуйаары. Хос ырыата Кини күүтэр кини ахтар күөх сааһы Үрүйэ буолан устаары, Сир сир аайы дьикти сааһы тилиннэрэ, Сүрэхтэргэ иҥэрээри. Хос ырыата