Киэһэ буолан киирэр күнүм арҕаа тыа кэтэҕэр түспүт дии. Күнүс хатаҥ турбут окко хайа сахха сиик уу түспүт дии. Мэник тыал буолан, ону барытын көрдүм мин, Кыра лыах буолан, ону барытын биллим мин. Халын халлаан хайа барар, хантан эрэ былыт тахсар дии. Курулаччы ардах түһэр, нирилэччи этин этэр дии. Тобурах буолан, ону барытын көрдүм мин, Күөх кустук буолан, ону барытын биллим мин. Көтөр-сүүрэр тэннэхтээбит түөлбэлэрбэр, Күһүн кэлбит, бэрт сотору муус кырыалаах, Тыйыс тыыннаах кыс хаар түһүө. Дьүкээбил буолан, ону барытын көрдүм мин, Туолбут ый буолан, ону барытын биллим мин.