Мин үйэм улуу хорук тымырдара буолан Айгысталлар аараҥ аартыктар. Ол хорук тымыр биил кыһыл таммаҕа буолан, Мин күө-дьаа тахсабын айан суолугар. Айгыстыыта суох мантан саҕаланаллар эбит Аан дойду аарыгырар аартыктара. Манна кэлэн сэмэйдик түмүктэнэллэр эбит Аан дойду суон сурахтаах суоллара. Арыт ытыллыбыт быыра ох буоламмын Ахсым айаннарыа айанныыбын. Арыт тумараҕа муммут тугут курдук Туора дьон ыырдарыгар мунчаарабын. Айгыстыыта суох мантан саҕаланаллар эбит Аан дойду аарыгырар аартыктара. Манна кэлэн сэмэйдик түмүктэнэллэр эбит Аан дойду суон сурахтаах суоллара. Оо, ол эрээри хайаан да өтөхпөр төннөбүн Ырбыт айан атыныы иҥэрсийэн. Ол улуу түбэлэртэн кэлээт, мыҥаа, соһуйа Көрөбүн төрөөбүт алааспын. Айгыстыыта суох мантан саҕаланаллар эбит Аан дойду аарыгырар аартыктара. Манна кэлэн сэмэйдик түмүктэнэллэр эбит Аан дойду суон сурахтаах суоллара.