Эн мичээриҥ эн илииҥ эн харахтарыҥ Миэхэ үксэ кэрэ ол барыта дьиҥнээх Ол эрэн өйдөөбөппүн мин хайдах да гынан Баара суоҕа биири эрэ: тоҕо эйиэхэ мин анамматахпын Онно үөһэ инникибит барыта эрдэттэн быһаарыллан турарын Барыта урукку курдук, оннук холку соччо ыраас буолбатах Аан бастаан харах харахха утарыта көрсүһэн туран Хас биирдии тыыныныы эн биһикки тыла суох өйдөһөрбүт Эн тускар мин кэрэйбэккэ барытын биэрэрим Эн аттыгар буоларбыттан дьоллонон-үөрэн өйө суох барарым Көрдүм эн ыраас харахтаргар олоҕум суолтатын Арахсарбытын мин сэрэйэммин этэбин сүрэхпинэн Аймаама мин дууһабын эн тапталбытын сүтэримэ Сүтэримэ Кэмсинэбин билигин олуһун эйигин кэлэн көрсүбэтэхпиттэн Улам тэйсэн иһэбит сүрэх эдэр бэйэбититтэн Ол эрэн арай хойут көрсүбүт буол эн миигин Уунуоҥ этэ дуо миэхэ эн илиигин Баҕар атыҥҥа хатаабыт буолуоҥ этэ санааҕын Онтон урут да хойу син биир эн, мин аналбыт туспа буолуо Эн сылаас илиигинэн атыны сиэтиэҥ Ураты киһини кууһаммын мин хаамсыам Соһуччу биирдэ эмитэ утарыта көрсүһэн Билбэтэҕэ-көрбөтөҕө буолан аасыһан хаалыахпыт Испитигэр эрэ баҕар ааспыт тапталы санаан ылыахпыт Эргиллэн тиийэн биир тылы булан Санаабытын арыйыахпытын кыах суох буолуо Ол курдук хараҥаҕа баттатан Тылбын биэрэбин эн уола буола сылдьыбыппыттан Мин хаһан да кэмсиниэм суоҕа Эйигин бэйэбэр эрэннэрбэтэх ситиспэтэх Эн тускар охсуспатах сыыһам иһин Баҕар олоҕум устатын тухары Соҕотоҕун чуҥкуйан олорон Санаам хомолтотун курус ырыа тылыгар кубулутан Иһим түгэҕэр симиктик сипсийэн хоһуйан толоруом Быстах ардах барбах ибирдиир Толору ый соҕотох ыллык суолбун сырдатар