Бииргэ улааппыт доҕотторбор ыллыыбын Оҕо эрдэхтэн сүүрэн-көтөн кэлбиппит, Кыһалҕаны билбиккэ сүбэ-ама бэрсэрбит, Онтон дьолун булбукка үөрүүтүн үллэстэрбит. Доҕотторбун кытта сүүрэн-көтөн кэлбиппит Эн-мин дэһэммит биһи мэлдьи тэҥҥэ сылдьарбыт Махтанабын эһиэхэ аттыбар бааргытыгар Куруутун бииргэ тэҥҥэ этэҥҥэ буолуохпут. Бары бииргэ түмсэн үөрүүлээх түгэммитин Саныыбыт-ахтабыт ол ааспыт кэмнэрбитин, Өрүүтүн мин өйдүөҕүм ханнык баҕар түгэҥҥэ Уунуоҕум мин илиибин эһиэхэ доҕотторбор. Мин доҕотторум хаһан да таҥнарбаттар, Ыраас сырдык суолга инникигэ дайаллар. Баҕарабын эһиэхэ уһун дьоллоох олоҕу Доҕордоһуубут суола хаһан да быстыбатын. Тоҕо да кэрэтэй урукку кэмнэрбин саныырга Ол көмүс оҕо сааспын умнуом суоҕа хаһан даҕаны, Доҕотторо суох атыннык олохпун сатаан көрбөппүн Махтана ыллыыбын бу ырыабын эһиэхэ.