Билбэппин ый ханна хонорун, Сир туохтан тутуллан турарын, Билбэппин тоҕо күн сырдыга, Хараҥа буолуута куотарын. Билбэппин күһүҥҥү тымныыны, Хайа тыал сабардыы биэрэрин, Тоҕо күөх сэбирдэх саһаран, Таммалыы мин суолбар түһэрин. Билбэппин мин тоҕо ардыгар, Дьон өйө-санаата баалларын, Хомойуу-кэлэйии сүрэххэр, Ыар баастыы суол буолан хааларын. Билбэппит бу сиргэ элбэҕи, Барытын өйдүүрбүт да саарбах, Ол иһин алҕаһы оҥоруу, Хаһан да олохтон туораабат.